មូលនិធិជប៉ុនបានសហការជាមួយអ្នកសិក្សាភាសាជប៉ុនជាច្រើននាក់ដើម្បីបង្កើតកម្មវិធី «តោះមករាំបទPaprika»។ ក្នុងកម្មវិធីលើកនេះ យើងខ្ញុំបានសហការជាមួយស្ថាប័ន សាលាភាសាជប៉ុនចំនួន១២ និងកុមារាកុមារីមកពីមណ្ឌលកុមារកំព្រាដើម្បីបង្កើតវីដេអូរាំនេះឡើង។ Paprika ជាបទចម្រៀងដែលត្រូវបានធ្វើឡើងដោយគម្រោងរបស់បុស្ដិ៍ទូរទស្សន៍ NHK ក្រោមអត្ថន័យគាំទ្រដល់មនុស្សទាំងឡាយដែលកំពុងខិតខំប្រឹងប្រែងដើម្បីឆ្ពោះទៅអនាគត ហើយបទនេះត្រូវបានប្រជាជនជប៉ុនជាច្រើនស្រលាញ់ចូលចិត្ត។ អ្នកសិក្សាភាសាជប៉ុននៅកម្ពុជាបានរាំបទនេះយ៉ាងសប្បាយនិងពោរពេញទៅដោយស្នាមញញឹម។
『TOBIRA』គឺជាគេហទំព័រថ្មីសម្រាប់ប្រជាជនកម្ពុជាដែលកំពុងសិក្សាភាសាជប៉ុន។ ក្នុងនេះមានខ្លឹមសារនិងនិងសេវាកម្មជាច្រើនដើម្បីឱ្យអ្នកទាំងអស់គ្នាអាចរីករាយនឹងការសិក្សាភាសាជប៉ុន ហើយក៏មាននូវព័ត៌មាននៃការប្រឡង (JFT-Basic) ដែលជាការប្រឡងចាំបាច់សម្រាប់អ្នកដែលមានបំណងទៅធ្វើការនៅជប៉ុនក្រោមសិទ្ធិស្នាក់នៅជា ”ពលករជំនាញពិសេស”ផងដែរ។
