លក្ខណៈពិសេសរបស់សៀវភៅនេះ

IRODORI នឹងជួយបង្កើន “សមត្ថភាពអាចធ្វើបាន” របស់អ្នកក្នុងជីវភាពប្រចាំថ្ងៃនៅប្រទេសជប៉ុន។

“IRODORI ភាសាជប៉ុនសម្រាប់ជីវភាពរស់នៅ” គឺជាសៀវភៅសិក្សាភាសាជប៉ុនសម្រាប់អ្នកដែលកំពុងរស់នៅ និងអ្នកដែលមាន បំណងទៅរស់នៅក្នុងប្រទេសជប៉ុន។ អ្នកអាចរៀនភាសាជប៉ុនដែលចាំបាច់ក្នុងស្ថានភាពជីវិតប្រចាំថ្ងៃដូចជា ធ្វើការងារ ដើរទិញអីវ៉ាន់ ដើរកម្សាន្ត ញ៉ាំហារ និងប្រាស្រ័យទាក់ទងជាមួយអ្នកដទៃ។

គោលដៅនៃការសិក្សាសៀវភៅនេះ គឺដើម្បីបង្កើនសមត្ថភាពក្នុងការប្រើប្រាស់ភាសាជប៉ុនរបស់អ្នកតាមស្ថានភាពផ្សេងៗ ក្នុងជីវភាពប្រចាំថ្ងៃនៅប្រទេសជប៉ុន។ សមត្ថភាពដែលអ្នក “អាចធ្វើអ្វីបានខ្លះក្នុងស្ថានភាពណាមួយ” នេះហៅថាសមត្ថភាព Can-do។ តាមរយៈការសិក្សាដោយយក Can-do ជាគោល សៀវភៅនេះនឹងជួយឱ្យអ្នកសិក្សាទទួលបាននូវជំនាញទំនាក់ទំនង ដែលចាំបាច់សម្រាប់ជីវភាពរស់នៅប្រទេសជប៉ុន។

IRODORI នឹងផ្តល់ឱ្យអ្នកនូវសមត្ថភាពភាសាជប៉ុនកម្រិត A1 / A2 ។

សៀវភៅ IRODORI មាន៣ក្បាលគឺ (ភាគដំបូង) １(ភាគ១) និង２(ភាគ២)។ ឆ្លើយតបទៅនឹងស្ដង់ដារអប់រំភាសាជប៉ុន JF (ភាគដំបូង) ស្មើនឹងកម្រិតA1 ហើយ１(ភាគ១) និង２(ភាគ២)ស្មើនឹងកម្រិតA2។ កម្រិតA1 ជាកម្រិតដែលអ្នកអាចធ្វើគារវកិច្ចដោយប្រើពាក្យ ងាយៗសម្រាប់ប្រាស្រ័យទាក់ទងបាន។ ឯកម្រិតA2 វិញ អ្នកអាចធ្វើការសន្ទនាពីប្រធានបទប្រចាំថ្ងៃជុំវិញខ្លួនខ្លីៗបាន។

※ ១.ភាគដំបូងមានគម្រោងចេញផ្សាយនៅរដូវស្លឹកឈើជ្រុះឆ្នាំ ២០២០ ។ ※ ២.ស្តង់ដារអប់រំភាសាជប៉ុន JF បែងចែកភាសាជប៉ុនជា៦កម្រិតគឺពី A1ដល់ C2ដែលស្របតាមការបែងចែក កម្រិតភាសាបរទេសរបស់ក្រុមប្រឹក្សាអឺរ៉ុប CEFRដែរ។

កម្រិត A1

• អ្នកអាចយល់និងអាចប្រើសំនួនឃ្លាកម្រិតមូលដ្ឋានគ្រឹះដែលគេប្រើប្រចាំថ្ងៃបាន។
• អ្នកអាចសួរនិងឆ្លើយនូវសំណួរអំពីព័ត៌មានផ្ទាល់ខ្លួនដូចជារបស់កម្មសិទ្ធិមនុស្សដែលស្គាល់កន្លែងរស់នៅនិងអាចណែនាំអំពីខ្លួនឯងនិងអ្នកដទៃបាន។
• អ្នកអាចធ្វើការសន្ទនាងាយៗ បានប្រសិនបើដៃគូសន្ទនារបស់អ្នកនិយាយយឺតៗ ហើយច្បាស់ៗមកអ្នក។

កម្រិត A2

• អ្នកអាចយល់នូវសំនួនវោហារសព្ទ និងប្រយោគដែលគេប្រើជាញឹកញាប់ ពេលទំនាក់ទំនងគ្នាពីព័ត៌មានផ្ទាល់ខ្លួន និងគ្រួសារ ការដើរទិញអីវ៉ាន់ អ្នកជិតខាង និងការងារជាដើម។
• អ្នកអាចឆ្លើយតបបានទៅនឹងការផ្លាស់ប្តូរព័ត៌មានស្តីពីបញ្ហាប្រចាំថ្ងៃដែលអ្នកដឹងប្រសិនបើបញ្ហានោះស្ថិតក្នុងកម្រិតងាយ។
• អ្នកអាចពន្យល់ដោយប្រើពាក្យងាយៗ ពីខ្លួនឯង ពីស្ថានភាពជុំវិញខ្លួន និងរឿងរ៉ាវសំខាន់ផ្សេងៗ។

IRODORI គឺផ្អែកទៅលើ “ភាសាជប៉ុនសម្រាប់ជីវភាពរស់នៅ JF Can-do”

មូលនិធិជប៉ុន បានធ្វើការប្រកាសពី “ភាសាជប៉ុនសម្រាប់ជីវភាពរស់នៅក្រោមទម្រង់ Can-doរបស់ JF” នៅឆ្នាំ២០១៩។ នេះជាការណែនាំពីជំនាញភាសាជប៉ុនកម្រិតមូលដ្ឋាន ងការទំនាក់ទំនងក្រោមទម្រង់ Can-do សម្រាប់ជនបរទេសដែលភាសាជប៉ុន មិនមែនជាភាសាកំណើតត្រូវការជាចាំបាច់ពេលទៅរស់នៅ និងធ្វើការនៅប្រទេសជប៉ុនតាមប្រព័ន្ធ “សិក្ខាកាមជំនាញពិសេស” ។ ល។ ដោយសារសៀវភៅ​ IRODORI បានកំណត់គោលការណ៍សិក្សាផ្អែកលើ ភាសាជប៉ុនក្នុងជីវភាពរស់នៅក្រោមទម្រង់ Can-do របស់ JF ពេលអ្នកសិក្សាជាមួយសៀវភៅនេះរួចអ្នកនឹងអាចទទួលបាននូវជំនាញទំនាក់ទំនងជាមូលដ្ឋានគ្រឹះចាំបាច់សម្រាប់ការរស់នៅក្នុងប្រទេសជប៉ុន។ ដូចនេះសៀវភៅនេះត្រូវបានគេប្រើប្រាស់ដើម្បីត្រៀមប្រឡង តេស្តមូលដ្ឋានគ្រឹះភាសាជប៉ុនរបស់មូលនិធិជប៉ុន (JFT-Basic) ដែលជាតេស្តសម្រាប់វាស់ស្ទង់សមត្ថភាពភាសាជប៉ុនដែលចាំបាច់ មុនពេលពួកគេមកដល់ប្រទេសជប៉ុន។

ក្នុង IRODORI មានឯកសារសិក្សា និងឯកសារស្តាប់ដ៏សម្បូរបែប ហើយអ្នកអាចសិក្សាភាសាជប៉ុនដោយអនុវត្តតាមស្ថានភាពជាក់ស្ដែង

សៀវភៅ IRODORI សង្កត់ធ្ងន់ទៅលើការអនុវត្តស្តាប់។ ដើម្បីអាចប្រើប្រាស់ភាសាជប៉ុនក្នុងស្ថានភាពជាក់ស្ដែងបាន ការស្តាប់ ភាសាជប៉ុន ឱ្យបានច្រើនគឺសំខាន់ខ្លាំងណាស់។ ដូចនេះ IRODORI បានរៀបចំនូវឯកសារស្តាប់ជាច្រើន។ ម្យ៉ាងវិញទៀតខ្លឹមសារឯកសារដែលត្រូវបាន ប្រើសម្រាប់ការអាន និងការសរសេរ គឺជាខ្លឹមសារដែលត្រូវបានប្រើនៅក្នុងជីវភាពរស់នៅរបស់ជប៉ុនពិតៗ ដូចនេះអ្នកអាចអនុវត្តភាសាជប៉ុនដែលដូចនឹងភាសាជប៉ុនក្នុងស្ថានភាពពិតៗ នៅប្រទេសជប៉ុន។ តាមរយៈចំណុចខាងលើអ្នកអាចរៀនភាសាជប៉ុនដោយការអនុវត្ត ជាក់ស្ដែងហើយអាចប្រើប្រាស់បានភ្លាមៗ។

IRODORI មានប្រធានបទផ្សេងៗដែលមានទំនាក់ទំនងយ៉ាងជិតស្និទ្ឋទៅនឹងជីវិតរស់នៅប្រចាំថ្ងៃ

សៀវភៅ IRODORI ត្រូវបានរៀបរៀងឡើងដោយផ្អែកទៅតាមការបែងចែកជាប្រធានបទ។ មេរៀននីមួយៗ មានលើកយកនូវប្រធានបទ ផ្សេងៗ ទាក់ទងនឹងជីវិតរស់នៅប្រទេសជប៉ុន។ ក្រៅពីការរៀនភាសាជប៉ុនយើងបានលើកយកបញ្ហាផ្សេងៗ ដែលទាក់ទងនឹងជីវភាព រស់នៅប្រចាំថ្ងៃ និងបរិបទនៅក្នុងប្រទេសជប៉ុនដើម្បីអោយអ្នកទទួលបានបទពិសោធន៍ពីជីវិត និងវប្បធម៌ជប៉ុន។ ម្យ៉ាងទៀតផ្នែកដែលមានប្រយោជន៍សម្រាប់ជីវភាពរស់នៅប្រទេសជប៉ុនក៏មានដែរ។

ក្នុង IRODORI ក៏មានការសិក្សាផ្នែកវេយ្យាករណ៍និងអក្សរកាន់ជីផងដែរ

គោលបំណងនៃសៀរភៅនេះគឺ ដើម្បីឱ្យអ្នកអាចប្រើភាសាជប៉ុនក្នុងការទំនាក់ទំនងក្នុងជីវភាពរស់នៅជាក់ស្តែងប្រចាំថ្ងៃបាន ដូចនេះការសិក្សាវេយ្យាករណ៍ ពាក្យ និងអក្សរកាន់ជី មិនមែនជាគោលដៅចម្បងរបស់សៀវភៅនេះទេ។ យ៉ាងណាមិញ ដើម្បីសម្រេចបាននូវ Can-do អ្នកត្រូវសិក្សានូវផ្នែកទាំងនេះ។ វេយ្យាករណ៍ ពាក្យ និងអក្សរកាន់ជីជាច្រើនដែលត្រូវបានប្រើនៅក្នុងសៀវភៅ បង្រៀនភាសាជប៉ុនកម្រិតដំបូងទូទៅក៏មានបញ្ចូលក្នុងសៀវភៅ IRODORI នេះផងដែរ។

អ្នកអាចទាញយកពីគេហទំព័រដោយសេរី

សៀវភៅ IRODORI ត្រូវបានដាក់នៅលើគេហទំព័រឱ្យប្រើប្រាស់ ដូចនេះអ្នកអាចទាញយកសៀវភៅនេះបានដោយសេរីពីគ្រប់ទីកន្លែងនៅលើពិភពលោក។ សៀវភៅនេះត្រូវបានដាក់ជាឯកសារ PDF ដូចនេះអ្នកអាចបោះពុម្ពវាចេញដើម្បីប្រើ ឬរក្សាទុកក្នុងថេប្លែត ឬស្មាតហ្វូនរបស់អ្នកដើម្បីមើល។ ឯកសារស្តាប់អ្នកអាចទាញយកពីគេហទំព័រហើយស្តាប់ ឬអាចស្តាប់ក្នុងគេហទំព័រផ្ទាល់ដោយ មិនដោនឡូតក៏បានដែរ។

សៀវភៅ IRODORI មានទំនាកទំនងជាមួយនឹងសៀវភៅ MARUGOTO

The topics and grammar points in each lesson of Irodori are loosely connected to “Marugoto: Japanese Language and Culture” a Japanese coursebook for overseas learners created by the Japan Foundation. You can use Irodori and Marugoto together, use part of Marugoto as a supplement when you study Irodori, or use Marugoto-related websites, such as Marugoto+ (Marugoto Plus), to study Irodori. ប្រធានបទរបស់សៀវភៅ IRODORI និងវេយ្យាករណ៍ដែលមាននៅក្នុងមេរៀននីមួយៗ គឺទាក់ទងយ៉ាងស្អិតរមួតជាមួយ “MARUGOTO ភាសា និងវប្បធម៌ជប៉ុន” ដែលជាសៀវភៅសិក្សាភាសាជប៉ុនសម្រាប់អ្នកសិក្សានៅក្រៅប្រទេសដែលបង្កើតដោយមូលនិធិជប៉ុន។ ដូចនេះ អ្នកអាចប្រើសៀវភៅ IRODORI និងសៀវភៅ MARUGOTO ជាមួយគ្នាបាន។ អ្នកអាចប្រើផ្នែកខ្លះនៃសៀវភៅ MARUGOTO ដើម្បីជាជំនួយដល់ការសិក្សា សៀវភៅ IRODORI បាន ឬប្រើប្រាស់គេហទំព័ររបស់ MARUGOTO ដូចជា MARUGOTO+ (MARUGOTO Plus)ក្នុងការសិក្សាសៀវភៅ IDORORI បានដូចគ្នា។

សៀវភៅនេះមានគោលបំណង ផ្សាភ្ជាប់មនុស្សតាមរយៈការប្រាស្រ័យទាក់ទងគ្នា និងការយល់ដឹង អំពីវប្បធម៌ទៅវិញទៅមក

គោលបំណងរួមនៃការសិក្សាសៀវភៅ IRODORI គឺ “ការយោគយល់គ្នាទៅវិញទៅមក” រវាងមនុស្សនឹងមនុស្ស។ នេះក៏ជាទស្សនៈមូលដ្ឋាន នៃស្តង់ដារអប់រំភាសាជប៉ុនរបស់ JF ដែលជាមូលដ្ឋាននៃសៀវភៅ IRODORI ផងដែរ។ សម្រាប់អ្នកដែលចាប់ផ្តើមជីវិតថ្មីនៅប្រទេសជប៉ុនជា ពិសេសសម្រាប់អ្នកដែលរស់នៅប្រទេសជប៉ុនទាំងអស់អាចផ្សាភ្ជាប់គ្នាតាមរយៈការយោគយល់គ្នាទៅវិញទៅមក ការស្គាល់គ្នា ការបង្ហាញពីខ្លួនឯងទៅវិញទៅមក ការផ្លាស់ប្តូរពីវប្បធម៌ និងការទំនាក់ទំនងជាភាសាជប៉ុន បន្ទាប់ពីបានប្រើប្រាស់សៀវភៅ IRODORI ហើយ ។

រចនាសម្ព័ន្ធសៀវភៅនេះ

សៀវភៅ IRODORI មាន៣ផ្នែកគឺ (ភាគដំបូង) (A1) １(ភាគ១)(A2) និង２(ភាគ២)(A2)។ ឯកសារបង្រៀននីមួយៗមានដូចខាងក្រោម។

សៀវភៅច្បាប់ដើមPDF

គម្រប

សារទៅកាន់អ្នកប្រើប្រាស់ (ភាសាជប៉ុន ភាសាខ្មែរ)

របៀបប្រើប្រាស់សៀវភៅនេះ (ភាសាជប៉ុន ភាសាខ្មែរ)

តារាងមាតិកា (ភាសាជប៉ុន ភាសាខ្មែរ)

មេរៀនទី១ ដល់ ១៨

ការត្រួតពិនិត្យ Can-do

ព័ត៌មានបោះពុម្ពផ្សាយ

ឯកសារស្តាប់

មេរៀនទី១ ដល់ ១៨

ឯកសារបន្ថែម

ចម្លើយ តារាងពាក្យ វិធីសាស្ត្រក្នុងការបង្រៀន ឯកសារដែលនឹងត្រូវចេញផ្សាយបន្តបន្ទាប់។